𝐈𝐬𝐥𝐚𝐦𝐢𝐜 𝐌𝐬𝐠 𝐎𝐟𝐟𝐢𝐜𝐢𝐚𝐥's Post

*AALA HAZRAT BARELVI R.A. WAGAIRAH PURANE BADE BUZURGON KA AAKHRI FATWA*
"ULAMA E DEVBAND KAAFIR NAHI"
*PURANE PEHLE FATWE SE RUJOOA KE URDU FATWE KI IMAGE KA TARJAMA*

AAJ KA SAWAL NO.2123

Bismillahir Rahmaanir Raheem

Ba-khidmat aqdas Hazrat Shaikh Mufti e Azam Pakistan Maulana Manzoor Ahmed sahab faizi, muhtamim wa mufti jamiya faiziyyah razwiyyah kacheri road ahmadpur shrqiyyah zila Bhawalpur

*SAWAL*

ulama e deoband ko ahle sunnat kehna sahi hai ya nahin ?

kya (1) peer Mahar Ali shah goladvi rahmatullahi alayhi ne fatwa diya hai ki ulama e devband ahle sunnat ka Azeem firqah hain ?

Aur (2) peer sher Mohammad sharaq Puri rahmatullahi alayhi ne in Hazrat ko Nuri wujood Tasleem Kiya hai ?

(3) Khwaja Ghulam Farid rahmatullahi Alayhi ne akaabire deoband ko awliya Allah mein shumar kiya hai ?

aur (4) ala Hazrat Barelvi rahmatullahi alayhi ke do fatwe hain. ek mein kafir kaha hai, dusre mein Musalman kahan hai.

Phone 234353( saudi Ka no. hai)

*al mustafti* (fatwa puchhnewale) abdun Nabi razwi faizi madeenah munavvarah babe majeedi saudi= Swaad baa 9888

JAWAB

حامدا و مصلیا مسلما

Ulama e devband ke mutalliq Jo fatwa sayyedi peer Mahar Ali Shah rahmtulla Alyhi ne diya hai ke ulama e devband *ahle sunnat ka azeem firqah hai,* ya peer sharaq Puri rahmatullahi alaihi ne *in Hazraat ke noori wajood hone Ko Tasleem kiya hai,* ya Khwaja Ghulam Farid rahmatullahi alayhi ne *akabireene deoband molvi Rashid Ahmad gangohi aur Maulana Qasim nanotvi rahmatullah Alayhima ke Wali e kaamil* hone ka fatwa *maqaabeesul majaalis* (kitab no.1 ka naam) me Diya hai waqia (sach much) in bujurgane deen ki kitabon me ye fataavajaat mastur hai (ye fatwe likhe hue hai) aur Saheeh hain.

Baqi Sayyedi aala Hazrat fazil Barelvi rahmatullahi alayhi ka fatwa e kufr laa-ilmi ki Bina par tha
(haqeeqat malum na hone ki wajha se tha)
jab ulama e devband ki kitab Al Muhhanad (aqaaide ulamaa e devband, shihabus saaqib) wagaira Jaisi kitaben manzare aam par aayi (jis me gustakhi ki tohmat wali ibaraton ki asli haqeeqat likhi thi) manzare aam par aayi to aala hazrat fazile barelvi rahmatullahi alayhi ne apne fatwah e kufr se rujooa farmaakar *tamheedul imaan* (kitab no. 2) aur *subhaanus subbooh* (kitab no. 3) wagairah (kai kitabon) me saaf saaf Alfaaz me likh diya ke
*"haashaa lillaah, haashaa lillaah, hazaar Baar haashaa illaah"*
"(Allah ki qasam hargiz nahi, Allah ki qasam hargiz nahin, hazaar baar Allah ki qasam hargiz nahin)"
*Me hargiz in ulama e devband ki takfeer nahin karta (un ko kafir nahi kehta)*

*yani Maulana Rashid Ahmad gangohi aur Maulana Khalil Ahmad ambhethwi aur maulana Ashraf Ali thanvi rahmatullah alayhim wagairah ko to Musalman hi jaanta hoon aur maulana Ismail dehlvi rahmatullah alayhi par bhi kufr ka fatwa nahin deta*

ye aala Hazrat barelvi rahmatullah alayhi ka voh aakhri fatwa hai jis par Muhare haq sabt karte huwe (saheeh sikka lagate huwe) sayyedi va sanadee qibla maulvi Ahmed saeed Shah Sahab kaazmi rahmatullah alayhi ne *alhaqqul mubeen* (kitab no. 4 ka naam) mein fatwa diya hai ki hamare akaabireen ulama e barelvi ne kabhi bhi ulama e devband ko na kaafir kaha, na kisi kitab mein unko kafir likha hai, balke ham un ko sunni ulama hi maante hain.

(Yahan akheer me muhar-sikka hai jis me naam likha hai.)

*Mufti Manzoor Ahmad Faizi razvi*
*Dastakhat (signature)*
*Faqeer Muhammad Manzoor Ahmed faizi razvi ahmad pur sharqiyyah zila bhavalpur madrasah arbiyyah jamiah faiziyyah razviyyah kacheri road 1411 hijri*

و الله اعلم بالصواب

*Ilami baat (msg) sikhaana (felana) ibadat se behtar hai*

*_Join Telegram Channel_*
https://telegram.me/IslamicMsgofficial
By: via 𝐈𝐬𝐥𝐚𝐦𝐢𝐜 𝐌𝐬𝐠 𝐎𝐟𝐟𝐢𝐜𝐢𝐚𝐥