𝐈𝐬𝐥𝐚𝐦𝐢𝐜 𝐌𝐬𝐠 𝐎𝐟𝐟𝐢𝐜𝐢𝐚𝐥's Post

⚂⚂⚂.
▁▁▁▁▁▁▁▁▁▁▁▁▁▁▁▁▁
✮┣ l ﺑِﺴْـــﻢِﷲِﺍﻟـﺮَّﺣـْﻤـَﻦِﺍلرَّﺣـِﻴﻢ ┫✮
⊙══⊙══⊙══⊙══⊙══⊙══⊙
*■ RAHMATULLIL AALAMEEN ■*
*صلى الله على محمدﷺ*
⊙══⊙══⊙══⊙══⊙══⊙══⊙
★ *Part–15_* ★
─━━━════●■●════━━━─
*❀_Tableeg me Aan Hazrat ﷺ ki Koshishe'n :-*
*"_ Ab Nabi ﷺ ne Sabko Aalami Tor per Samjhana Shuru kiya, Har ek mele har ek gali kooche me ja ja kar Logo'n ko Toheed ki khoobi batlate, Buto'n Pattharo Darakhto ki ibaadat se rokte, Betiyo'n ke maar daalne se hatate, Zina se mana farmate, Juwa khelne se Logo'n ko rokte they, Aap ﷺ farmaya karte they k log Apne Jism ko najasat se Kapdo'n ko Mel kuchel se, Zubaan ko gandi baato se, Dil ko jhoote Aitqaad se Paak v Saaf rakhe'n, Vaada aur Qaraar ki pabandi Kare'n, Allah ki zaat ko nuqs se, Ayb se, Aloodgi se paak samjhe, is baat ka Pukhta Aitqaad rakhe'n k Zameen Asmaan chaand Suraj chhote bade sabke sab Allah ke paida kiye hue Hai'n, Sab usi ke mohtaaj hai'n, Dua ka Qubool karna, Bimaar ko Sehat v Tandrusti dena, Muraade poori karna Allah ke Akhtyar me hai, Allah ki marzi aur hukm ke bager koi bhi kuchh nahi kar sakta, Farishte aur Nabi bhi uske Hukm ke khilaaf kuchh nahi karte,*

*★_ Arab me Uqaaz, Ainiya aur Zilhijaaz ke mele bahut Mash'hoor they, door door se log waha'n aaya karte they, Nabi ﷺ un maqamaat per jate aur Mele me aaye hue Logo'n ko islam aur Toheed ki dawat farmaya karte they,*

*★_ Quresh ki Mukhalfat :-*
*"_ Magroor Quresh ko jo Arab me apne Aapko sabse bada Samajhte they, Jese Samandar me Wel machhli, Nabi ﷺ ka Waaz pasand na aaya, Wo Nabuwat ka Mafhoom samajhne se qaasir they aur Baied samjhte they k Allah ke hukm se koi insaan insaano ke samjhane ke liye aaye, Wo jaza aur Saza e A'maal ke qaa'il na they, isliye ye taleem k maut ke baad A'maal ki jawabdahi hogi, Unke nazdeek bilkul Qabile mazaaq thi,*

*★_ Wo khandaan aur Sharafat, Buzurgaan per nihayat Magroor they aur unhe islami musawaat aur islami ukhwat ka Qubool karna ek qism ki hiqarat aur Zillat mehsoos hoti thi, Unme aksar Qaba'il Banu Hashim se Mukhalfat rakhte they aur Dushman Qabile ke ek shakhs ki taleem per chalna unhe aar maloom hota tha, Wo But Parasti per bilkul qaane they aur isse bartar kisi mazhab me kisi khoobi ka imkaan bhi unke Tasavvur me na aata tha, Wo Zina, Juwa, Rehzani, Qatl, Ahad Shikni, Awaargi, Har ek qanoon v qa'ade ki bandish v qaid se Azaad rehne, beshumar Aurto'n ko ghar me daale rakhne ke aadi they aur islam ka qanoon unko apni Adaat ka dushman maloom hota tha, isliye Unhone Aan Hazrat ﷺ ki Mukhalfat per kamar baandhi aur islam ka naamo nishan mita dene ka faisla kiya _,"*

*Rahmatullil Aalameen, (Musannif- Qazi Muhammad Suleman Salman Mansoorpuri Reh.)- 81,* ┵━━━━━━❀━━━━━━━━━━━━┵
https://T.me/IslamicMsgOfficial
┣━━━━━━━━━━━━━━━━━━━━┫
⚂⚂⚂