𝐈𝐬𝐥𝐚𝐦𝐢𝐜 𝐌𝐬𝐠 𝐎𝐟𝐟𝐢𝐜𝐢𝐚𝐥's Post

⚂⚂⚂.
▁▁▁▁▁▁▁▁▁▁▁▁▁▁▁▁▁
✮┣ l ﺑِﺴْـــﻢِﷲِﺍﻟـﺮَّﺣـْﻤـَﻦِﺍلرَّﺣـِﻴﻢ ┫✮
⊙══⊙══⊙══⊙══⊙══⊙══⊙
*■ RAHMATULLIL AALAMEEN ■*
*صلى الله على محمدﷺ*
⊙══⊙══⊙══⊙══⊙══⊙══⊙
★ *Part–11_* ★
─━━━════●■●════━━━─
*❀_Hazrat Abu Bakar Siddiq Raziyallahu Anhu bade Maldaar they, Tijarat karte they, Makka me unki Dukaan Bazazi ( Kapde ki ) thi, Logo'n me unka bahut Mel milaap tha, Unki tableeg se Usman Gani Raziyallahu Anhu, Zuber Raziyallahu Anhu, Abdurrahman bin Auf Raziyallahu Anhu, Talha Raziyallahu Anhu, Sa'ad bin Abi Waqas Raziyallahu Anhu musalman hue, Fir Abu Ubaida Aamir bin Abdullah bin Jarrah Raziyallahu Anhu ( Jinka Laqab baad me "Ameenul Ummat" hua ) Abdul Asad bin Hilaal Raziyallahu Anhu, Usman bin Maz'oun Raziyallahu Anhu, Abu Huzefa bin Utba Raziyallahu Anhu, Saa'ib bin Usman bin Maz'oun Raziyallahu Anhu aur Arqam Raziyallahu Anhu musalman hue,*
*"_ Aurto'n me Ummul Momineen Khadija Raziyallahu Anha ke baad Nabi ﷺ ke taaya Abbas Raziyallahu Anhu ki Bivi Ummul Fazal Raziyallahu Anha, Asma binte Umais Raziyallahu Anha, Asma binte Abu Bakar Raziyallahu Anha aur Fatima behan Umar Farooq Raziyallahu Anha ne islam Qubool kiya,*

*★_ Pahad ki ghaati me Namaz :- Un dino Musalman Pahaad ki ghaati me ja kar Namaz padha karte they, Nabi ﷺ Nabuwat ke ibtidayi 3 saal tak Logo'n ko Chupke Chupke Samjhaya karte they aur Pattharo, Darakhto, Chaand aur Suraj ki ibaadat se hata kar Allah ki bandgi sikhlaya karte they, Ab Allah ka hukm pahuncha :- ( Surah Al Mudassir, 1-7)*
*"_ Ey Kapde me letne wale ( Ey Aalam ke durust karne wale ) utho, ( Gande A'maal walo ko ) dara'o aur Apne Parwardigaar ki buzurgi faila'o aur Paak Daamani Akhtyar karo, ( Makhlooq Parasti ki ) najasat se Alhaidgi Akhtyar karo, Ahsan is niyat se na karo k Logo'n se iska fayda haasil Kiya jaye, Apne Parwardigaar ke liye ( Risalat karte hue har ek imtihaan aur Takleef me ) istaqlaal ( mazboot) rakho _,"*

*★_ Nabi ﷺ ki Nabuwat ke Maqasid :- in Ayaat se zaahir hai k Nabi ﷺ ki Risalat aur Nabuwat ke Maqasid Mindarja Zail they :-*
*(1)_ Nafarmano ko unki Khatarnaak haalat se Agaah karna aur Anjaam se darana ,*
*(2)_ Allah ki Rububiyat aur Kibriya'i aur Azmat v Jalaal ka Aashkaar karna ( kholna ),*
*(3)_ Logo ko Aitqaad, A'maal aur Akhlaq ki Zahiri v Baatini najasato se paak rehne ki Taleem dena,*
*(4)_ Pakeezgi, Safa'i aur Paak Daamani sikhlana,*
*(5)_ ilaahi Taleem muft dena, na un per Ahsan jatlana, na unse Apne kisi Fayde ki tawaqqo rakhna,*
*(6)_ is kaam me jis qadar bhi masa'ib aur Shada'id jhelni pade sabko bardasht karna,*
*"_ Jo Shakhs Nabi ﷺ ki Paak Zindgi ke halaat per gor karega Use maloom ho jayega k Aan Hazrat ﷺ ne kesi khoobi se in sab maqasid ko poora kiya, Nabi ﷺ ki tableeg ka kaam Aahista Aahista wus'at pakdta raha _,*

*Rahmatullil Aalameen, (Musannif- Qazi Muhammad Suleman Salman Mansoorpuri Reh.)- 77* ┵━━━━━━❀━━━━━━━━━━━━┵
https://T.me/IslamicMsgOfficial
┣━━━━━━━━━━━━━━━━━━━━┫
⚂⚂⚂