*✭﷽✭*
╭┅━┅━┅┅━─────━┅┅━┅━┅╮
* QAYAMAT KE AHWAAL *
╰┅━┅━┅┅━─────━┅┅━┅━┅╯
*★ POST NO-18 ★*
*╂───────────╂*
*☞ _ Mehshar mai Pasina Hi Pasina ❥*
*❀_Maidane Mehshar ki holnaak Haalato mai se ek haalat ye bhi hogi k us Din har bad Amal Shakhs Apni bad Amali ke baqadr pasine mai sarobaar hoga aur is qadar Pasina niklega k Mehshar ki Zameen mai Sattar Haath Tak niche Chala jayega, Bukhari Sharif ki Rivayat hai k Aap Sallallahu Alaihivasallam ne farmaya :-*
*“__ Qayamat ke Din Log Pasine mai sarobaar honge, Yaha’n Tak k Unka Pasina Zameen se Sattar Haath Tak niche utar jayega aur unko Pasina lagam ki tarah chipat jayega, Yaha’n Tak k Unke kaano Tak pahunch jayega _,”*
* Bukhari Sharif-2/967 Hadees- 6532,*
*❀_ Aur Muslim Sharif mai Hazrat Miqdaad Raziyallahu Anhu ki Rivayat hai k Aap Sallallahu Alaihivasallam ne irshad farmaya k :-*
*“__ Qayamat ke Din Suraj Makhluqaat se bilkul qareeb aa jayega Yaha’n Tak k logo se Uska Faasla ek meel ke baqadr reh jayega , Salim bin Aamir farmate hai’n k Allah ki qasam mujhe ye nahi maloom k Aap Sallallahu Alaihivasallam ne meel se Zameen ki musafat muraad hai ya Wo meel ( Surme ki Salaa’i ) muraad hai Jisse Aankh mai Surma lagaya Jata hai, Aage Aap Sallallahu Alaihivasallam ne irshad farmaya kuchh log Apne A’amaal ke aitbaar se Pasina mai doobe hue honge ,Kuchh log ese honge Jinka Pasina takhno mai dooba hua hoga ,Kuchh Ka ghutno Tak hoga ,Kuchh Ka peeth Tak hoga aur koi poora Pasine mai dooba hua hoga, Aur Aap Sallallahu Alaihivasallam ne Apne Daste Mubarak se moonh ki taraf ishara farmaya ( Yani Pasina moonh Tak pahunch raha hoga ) _,”*
* Muslim Sharif – 2/ 384, Attargeeb v Tarheeb- 4/ 209_,*
*“_ Is Rivayat se maloom hua k Ek hi Maidan mai Jabki bheed itni hogi k har Shakhs ko Sirf Apna qadam hi tikana mayassar aayega ,Apni Apni bad Amaaliyo ke baqadr pasine mai doobe honge, Ye Esi holnaak Soorat hai k Aqal insaani iska tasavvur karne se bhi aajiz hai Magar is per imaan Lana zaroori aur Laazim hai _,”*
* Fatahul Baari- 14/ 481 ,*
*❀__ Is Holnaak Din mai Kuchh Allah ke makhsoos Bande ese bhi honge Jinko Suraj ki Garmi zarra barabar bhi nuqsaan na pahuncha sakegi aur Wo us din Amano Amaan aur Aafiyat mai honge , Ek Rivayat mai Hai k Suraj ki Garmi se Momin Mard v Aurat ko koi takleef na hogi, Isse muraad Kaamil Momin hai, Jese Hazraate Ambiya, Siddiqeen aur Shohda k inko Maidane Mehshar mai kisi takleef Ka Saamna na hoga _,”*
* Fatahul Baari – 14/ 481 _,*
╞━━•Reƒ•━━╞
* Allah Se Sharm Kijiye ,Baab -6 Qayamat Ke Ahwaal_,* •┄┄┅┅━━═۞═━━┅┅┄┄•
https://T.me/IslamicMsgOfficial
Telegram
https://www.youtube.com/IslamicMsgOfficial
Subscribe Our YouTube Channel
❦❦❦❦
https://bit.ly/IslamicMsgOfficial
⇧⇧ Aaj Ki Baat Ke Pichhle Sabhi msgs Ke Liye Link Per Jaye, ⌊﹁﹁﹁﹁﹁﹁﹁﹁﹁﹁⌋
