𝐈𝐬𝐥𝐚𝐦𝐢𝐜 𝐌𝐬𝐠 𝐎𝐟𝐟𝐢𝐜𝐢𝐚𝐥's Post

⚂⚂⚂.
▁▁▁▁▁▁▁▁▁▁▁▁▁▁▁▁▁
✮┣ l ﺑِﺴْـــﻢِﷲِﺍﻟـﺮَّﺣـْﻤـَﻦِﺍلرَّﺣـِﻴﻢ ┫✮
⊙══⊙══⊙══⊙══⊙══⊙══⊙
*■ RAHMATULLIL AALAMEEN ■*
*صلى الله على محمدﷺ*
⊙══⊙══⊙══⊙══⊙══⊙══⊙
★ *Part–59_* ★
─━━━════●■●════━━━─
*❀_ Rasulallah ﷺ ka Sabse Pehle Juma ka Khutba, Jo Madina Pahu'nch kar Bani Saalim bin Auf me Huzoor ﷺ ne padha tha :-*
*"_ Hamd v Sata'ish Allah ke liye hai, Mai'n Uski Hand karta hu'n, Madad, Bakhshish aur Hidayat usi se chahta hu'n, Mera imaan isi per hai, Mai'n uski Nafarmani nahi karta aur Nafarmani karne walo se adawat rakhta hu'n, Meri Shahadat ye hai k Allah ke Siva ibaadat ke laa'iq koi bhi nahi, Wo Yakta hai, Uska koi Shareek nahi, Muhammad ﷺ uska Banda aur Rasool hai Usi ne Muhammad ﷺ ko Hidayat, Noor aur Nasihat ke saath ese zamane me bheja hai jabki Muddato se koi Rasool Duniya me na aaya tha, ilm ghat gaya aur gumrahi bad gayi thi, Use Aakhri Zamane me Qayamat ke qareeb aur Maut ki nazdeeki ke waqt bheja gaya hai_,"*

*★_ Jo koi Allah aur Rasool ﷺ ki ita'at karta hai Wohi Raahyaab hai aur Jisne unka hukm na maana wo bhatak gaya, Darja se gir gaya aur Sakht gumrahi me fan's gaya hai, Musalamano ! Mai'n tumhe Allah se Taqwe ki wasiyat karta hu'n, Behatreen wasiyat jo Musalman Musalman ko kar sakta hai ye hai k use Aakhirat ke liye amaada kare aur Allah se Taqwe ke liye kahe, Logo'n ! Jin baato se Allah ne tumhe Parhez karne ke liye kaha hai unse bachte raho, isse badh kar na koi Nasihat hai aur na isse badh kar koi zikr hai, Yaad rakho k Ummore Aakhirat ke bare me us Shakhs ke liye jo Allah se dar kar kaam kar raha hai Taqwa Behatreen madad saabit hoga aur Jab koi shakhs Apne aur Allah ke darmiyan ka maamla khufiya v zaahir me durust kar lega aur esa karne me uski niyat khaalis hogi to esa karna uske liye Duniya me Zikr aur Maut ke baad ( jabki insaan ko A'maal ki zarurat v qadr maloom hogi) Zakhira ban jayega _,"*

*★_ Lekin Agar koi esa nahi karta ( uska Zikr is Aayat me hai) insaan pasand karega k uske A'maal usse door hi rakhe jaye'n, Allah Tumko Apni zaat se darata hai aur Allah to Apne Bando per nihayat meharban hai aur Jis Shakhs ne Allah ke hukm ko sach jana aur Uske Vaado ko poora kiya to uski baabat ye irshad ilaahi mojood hai hamare Yaha'n baat nahi badalti aur hum Apne Nacheez Bando per zulm nahi karte _,"*

*★_ Musalamano ! Apne mojooda aur Aainda, Zahiri aur Khufiya kaamo me Allah se Taqwa ko peshe nazar rakho kyunki Taqwa walo ko badiya'n chhod di jaati hai'n aur Ajar badha diya jaata hai, Taqwa wale wo hai'n Jo bahut badi muraad Ko pahu'nch jayenge, Ye Taqwa hi hai jo Allah ki Bezaari, Azaab aur Gusse ko door kar deta hai, Ye Taqwa hi hai jo Chehre ko darakhsha'n, Parwardigaar ko khush aur Darja ko buland karta hai_,"*

*★_ Musalamano Haz utha'o ( Maze karo) Magar Huqooq ilaahi me faroguzasht ( kotaahi) na karo, Allah ne isiliye tumko Apni kitaab sikhlayi aur Apna Rasta dikhlaya hai k Raastbaazo ( imaan walo ) aur Kaazibo ( jhooto ) ko alag alag kar diya jaye, Logo'n ! Allah ne tumhare saath umda bartaav Kiya hai, tum bhi Logo'n ke saath esa hi karo aur Jo Allah ke Dushman hai'n Unhe Dushman samjho aur Allah ke Raste me poori himmat aur Tavajjo se koshish karo,Usi ne tumko Barguzida banaya aur Tumhara naam Musalaman rakha hai, taki halaal hone wala bhi Roshan dala'il per Halaak ho aur Zindgi pane wale bhi Roshan dala'il per zindgi paye aur Sab Nekiya'n Allah ki madad se hai'n, Logo'n ! Allah ka zikr karo aur Aainda zindgi ke liye Amal karo kyunki jo shakhs Apne aur Allah ke darmiyan maamla durust kar deta hai Allah Ta'ala uske aur Logo'n ke darmiyan ke maamle ko durust kar deta hai, Haa'n ! Allah bando per hukm chalata hai aur us per kisi ka hukm nahi chalta, Allah Bando ka maalik hai aur Bando ko us per koi Akhtyar nahi, Allah sabse bada hai aur humko ( neki karne ki) taaqat usi Azmat wale se milti hai _,"*

*Rahmatullil Aalameen, (Musannif- Qazi Muhammad Suleman Salman Mansoorpuri Reh.)-113,* ┵━━━━━━❀━━━━━━━━━━━━┵
https://bit.ly/IslamicMsgOfficial
┣━━━━━━━━━━━━━━━━━━━━┫
⚂⚂⚂