𝐈𝐬𝐥𝐚𝐦𝐢𝐜 𝐌𝐬𝐠 𝐎𝐟𝐟𝐢𝐜𝐢𝐚𝐥's Post

⚂⚂⚂.
▁▁▁▁▁▁▁▁▁▁▁▁▁▁▁▁▁
✮┣ l ﺑِﺴْـــﻢِﷲِﺍﻟـﺮَّﺣـْﻤـَﻦِﺍلرَّﺣـِﻴﻢ ┫✮
⊙══⊙══⊙══⊙══⊙══⊙══⊙
*■ RAHMATULLIL AALAMEEN ■*
*صلى الله على محمدﷺ*
⊙══⊙══⊙══⊙══⊙══⊙══⊙
★ *Part–86_* ★
─━━━════●■●════━━━─
*❀_ Hawazin v Saqeef ke Hamle ki Mudaf'at ya Junge Hunain ( Shawwal 8 Hijri ):-*
*"_ Fateh Makka ho jane se Hawazin aur Saqeef ke Qabilo ne Jinki Had Makka se milti thi, Socha k Agar hum musalmano ko Shikasht de de'n to Ahle Makka ke Jis qadar bagaat v Jaagire Taa'if me Hai'n Wo bila khof hamare ho jayenge aur Musalamano se But Shikni ke Jurm ka inteqam bhi liya ja sakega _,"*

*★_ Unhone Bani Muzir aur Bani Hilaal ke Qabilo Ko bhi Apne saath Mila liya aur Chaar Hazaar bahadur le kar Makka rawana hue aur Vaadi Hunain me utre, unhone Apne Sardaar Maalik bin Auf ke mashware se Apne Zan Bachche, maal Maweshi ko bhi bhi saath le liya tha, Maalik ne is Tadbeer ka ye Fayda batlaya tha k Zan v Bachche, maal Maweshi ko chhod kar koi Shakhs bhi maidaane Jung se faraar Akhtyar nahi karega _,"*

*★_ Ye khabar Sun kar Nabi ﷺ bhi ( Jo Makka ke qareeb aur Haram ki sar Zameen per Jung karna munasib nahi Samajhte they ) Makka se aage badhe, Islami Lashkar me Makka ke do Hazaar Shakhs aur bhi shamil ho gaye they, is Tadaad me nav muslim bhi shamil they aur But Parast Muahid bhi, Fauj ki Majmui Tadaad barah Hazaar ho gayi thi, Fauj ko Apni Kasrat per guroor bhi ho gaya tha isliye wo Marahile Jung ki Ahatyaat se bhi door they _,"*

*★_ Dushman ne Ek Tang aur Dushwar Guzaar Darre me ghaat lagayi aur Apne Teerandazo ko waha'n bithlaya, Jab Lashkar islam ka Agla hissa ( jisme zyadatar tar be khabar Nojawan they jinke paas Hathiyar bhi nahi the ya Ladayi ki zarurat ke muwafiq na they ) Dushman ki zad me be khabar ja pahuncha, to unhone itne teer barsaye k unhe Sar chhupa kar bhaagne hi ki soojhi, Taqriban So Sahabi maidaan me khade reh gaye they, Nabi ﷺ ne jab chaaro taraf se Hamla Aawaro ko badte aur Apne lashkar ko bhaagte dekha to be nazeer Shuja'at v isteqamat ka namoona dikhlaya, Aan Hazrat ﷺ apne khachchar se utre aur ye farmana shuru kiya - Mai'n Nabi hu'n, Isme zara bhi shubha nahi, Mai'n Abdul Muttalib ka Farzand hu'n _,"*
*"_ Matlab ye tha k meri Sachchayi ka maiyaar fauj ki Shikasht ya Fateh nahi hai balki meri Sadaqat khud meri zaat se hoti hai _,"*

*Rahmatullil Aalameen, (Musannif- Qazi Muhammad Suleman Salman Mansoorpuri Reh.)-142,* ┵━━━━━━❀━━━━━━━━━━━━┵
https://bit.ly/IslamicMsgOfficial
┣━━━━━━━━━━━━━━━━━━━━┫
⚂⚂⚂