┄─═✧═✧═✧═✧═─┄
*Bismillahirrahmanirrahim*
┄─═✧═✧═✧═✧═─┄
*♡ Tohfa-e-Nikaah ♡*
*✾ Part - 33 ✾*
❁✸❁✸❁✸❁
*✾ Qur'aan wa hadees ki raushni mein nikaah ke unwaan par baatayi huwi baatoon ka khulaasa (Part 23 Se 32)*
✺ Is khutbe mein Pehla sabaq yeh bataaya gaya ke nikaah iffat wa paakdaamni aur nasal badhaane ka zariya hai.
✺ Doosra paigaam yeh diya gaya ke nikaah mein saadgi ikhtiyaar karo, is mauge par behuda kaamon mein maal mat udaao kyun ke behuda kaamon mein maal udaane waale shaitaan ke bhai hote hain.
✺ Teesri baat yeh bataayi gayi ke shaadi ke mauge par chhuhaare taqseem karna sunnat hai, lekin agar masjid ki be-adabi wagaira ka andesha ho to chhuhaare lutaane ke bajaaye taqseem karna behtar hai.
✺ Chauthi naseehat yeh ki gayi ke gaana bajaana aur sunna haraam hai aur khaas taur par shaadi biyaah ke mauqe par yeh cheez aam ho jaati hai, lihaaza is bure kaam se bachna chaahiye.
✺ Paanchwein baat yeh bataayi gayi ke biwi ke saath achchhe akhlaaq se pesh aaye, hadees mein aise shakhs ko kaamil imaanwaalon mein se shumaar kiya gaya hai.
✺ Chhati cheez yeh bataayi gayi ke shohar ko chaahiye ke ghar ke kaamon mein biwi ki madad bhi kar liya kare, us ko ghar ki naukraani na samjhe.
✺ Saatwein naseehat yeh ki gayi ke biwi ko chaahiye ke namaaz, roza aur doosri ibaadaton ke saath shohar ki farmaanbardaari kare aur us ke saamne achchhe akhlaaq se pesh aaye.
✺ Aathwein baat yeh bataayi gayi ke waalidain apne bachchon ke liye deeni wa akhlaaqi tarbiyat ka intizaam karein aur us mein zarra baraabar bhi gaflat se kaam na lein kyun ke us mein thodi si gaflat bhi bachchon ke mustaqbil ke liye khatre ki ghanti saabit ho sakti hai.
✺ Nawaan paigaam yeh diya gaya ke biwi; sasuraali rishte daaron ka adab wa ehtiraam kare, un ke saath muhabbat se pesh aaye aur un ke saath narm lehje mein guftagu kare, isi tarah shohar bhi apne sasuraali rishtedaaron ka adab wa ehtiraam kare.
✺ Daswein baat yeh bataayi gayi ke aurtein ghar ke kaam khud karein, Rasoolullah ﷺ ki nek biwiyaan, paakeeza betiyaan aur sahaabiyaat gharelu kaamon ko khud anjaam deti thein.
[[..Next - 34, Soon In Sha Allah..]]
* Ref:* Tohfa E Nikaah (DEENIYAT)
https://bit.ly/IslamicMsgOfficial
❁✸❁✸❁✸❁
