┄─═✧═✧═✧═✧═─┄
*Bismillahirrahmanirrahim*
┄─═✧═✧═✧═✧═─┄
*♡ Tohfa-e-Nikaah ♡*
*✾ Part - 99 ✾*
❁✸❁✸❁✸❁
*✾ Qur'aan wa hadees ki raushni mein nikaah ke unwaan par bataayi huwi baaton ka khulaasa (Part 89 se 98)*
✺ Is mein sab se Pehli baat yeh bataayi gyai ke jis shakhs ko Allah ne wus'at aur taaqat di hai use nikaah kar lena chaahiye, wus'at ke baawajood nikaah na karne waala shaitaan ka bhai hota hai.
✺ Doosri hidaayat yeh di gayi ke shohar par biwi ke kayi huqooq hain, jin mein pehla haq maher hai; jis ka ada karna shohar ke zimme laazim hai, maher ada na karne ki niyyat se nikaah karne waale ko Allah ke Rasool ﷺ ne zina kaar qaraar diya hai.
✺ Teesra sabaq yeh diya gaya ke shaadi biyaah mein khaas taur se namaaz wagaira ka khayaal nahein rehta, ya to chhoot jaati hai ya qaza ho jaati hai, is liye shaadi biyaah wagaira taqreebaat mein namaaz ka khoob paabandi se ehtimaam karna chaahiye.
✺ Chautha paigaam yeh diya gaya ke miyaan biwi ek doosre ki khoobiyon ko saamne rakhe, achchhaaiyon par ek doosre ki hosla afzaayi kare, galtiyon par ek doosre ko darguzar kare aur achchhe andaaz se samjhaate rahe, ek doosre ke baare mein achchhi soch rakhe aur manfi soch rakhne se bache.
✺ Paanchwaan sabaq yeh diya gaya ke biwi ko shohar ke mizaaj ki riaayat karte huwe baat karni chaahiye, kisi bhi waqt koi bhi baat nahein karni chaahiye, aur shohar ka adab wa ehtiraam karna chaahiye.
✺ Chhati hidaayat yeh di gayi ke biwi ko chaahiye ke shohar ko hamesha khush rakhne ki koshish kare, use naaraaz na kare aur har jaaiz kaam mein shohar ki baat maane.
✺ Saatwein naseehat shohar ko yeh ki gayi ke biwi jab bhi koi achchha kaam kare, to woh us ki ta'areef kare, is se biwi ki hausla afzaayi hoti hai.
✺ Aathwaan paigaam yeh diya gaya ke agar miyaan biwi ke darmiyaan kisi baat par naaraazgi ho jaaye, to fauran sulah safaai karke ek doosre ko mana lena chaahiye, gusse ko baaqi nahein rakhna chaahiye.
✺ Nawein naseehat yeh ki gayi ke maa ka doodh bachche ka pehla qudrati haq hai aur bachche ko is haq se mehroom nahein karna chaahiye, maa ko chaahiye ke bachche ko apna hi doodh pilaaye, bila uzr dabbe wagaira ka doodh nahein pilaana chaahiye.
✺ Daswaan hukm yeh diya gaya ke maa baap bachchon ke saath mil Jul kar rahein, un ke saath shafqat aur muhabbat ka muaamla karein, baat baat par un ko daantna aur maarna nahein chaahiye, balke pyaar wa muhabbat se un ko samjhaana chaahiye.
[[..Next - 100, Soon In Sha Allah..]]
* Ref:* Tohfa E Nikaah (DEENIYAT)
❁✸❁✸❁✸❁
