𝐈𝐬𝐥𝐚𝐦𝐢𝐜 𝐌𝐬𝐠 𝐎𝐟𝐟𝐢𝐜𝐢𝐚𝐥's Post

☆
▤━─━─━▓━﷽━▓━─━─━▤
*⊙ TOHFA E KHAWATEEN ⊙*
┗───┯ ✿ *posт ղo☞347*
•═══▦☆☆▦═══•
*_ LIBAAS- V -ZEENAT _*
⊙———⊙———⊙———⊙———⊙
*┱✿_ Sajawat Ke Liye Diwaaro Per Kapda Latkane Per Aap Sallallahu Ki Naraazgi _*

*┱ _ Hazrat Ayesha Raziyallahu Anha Ka Bayan hai k Rasoole Akram Sallallahu Alaihivasallam ek baar Jihaad ke liye tashreef le gaye, Aap Sallallahu Alaihivasallam ke pichhe Maine ek Achchha Umda Kapda khareeda Jisme Bareek jhaalar thi. Aur Us Kapde ko bator Parda ( darwaze per ) latka diya, Jab Aap Sallallahu Alaihivasallam tashreef laye to us Kapde ko dekh kar ( is zor se ) kheencha k Wo chaak ho gaya, Fir farmaya k Allah Ta’ala ne humko ye hukm nahi farmaya k Pattharo ko aur Mitti ko Kapde pehnaye _,”*
* Mishkaat – 138 Az Bukhari v Muslim ,*

*┱_ Gharo ki Sajawat mai Paisa kharch Karna Huzoor Aqdas Sallallahu Alaihivasallam ko pasand na tha, isiliye Aap Sallallahu Alaihivasallam ne Hazrat Ayesha Raziyallahu Anha Ka Sajaya hua Khoobsurat Parda chaak Kar diya , aur farmaya k Allah Ta’ala ne hunko ye hukm nahi farmaya k Pattharo aur Mitti ko Kapde pehnaye,*

*┱_ Jaha’n Tak Darwaze per Gairo ki nazro se bachne ke liye Parda daalne Ka Talluq hai Wo Taat Ya Mote Saste Kapde Ka bhi ho Sakta Hai, Qeemti ya Khoobsurat Parda Latkana is maqsad ke liye koi zaroori nahi Hai , is Zamane mai Diwaaro, darwazo ,khidkiyo’n per Parde latkane Ka Faishion ho gaya Hai, Mahaz Sajawat aur Zaibo Zeenat ke liye qeemti aur Khoobsurat Parde latkaye Jate hai’n aur isme Musalman Laakho Rupiye kharch karte hai’n, Paas Pados aur Shehar Dehaat ke latadaad insaan ke paas Tan chhupane ko kuchh nahi aur hum Gairo ki dekha dekhi daro Diwaar ko Poshaaak pehna rahe , Insaano ki haajate atki Hui Hai aur Pattharo ki Sajawat ho rahi Hai , Dar Asal ye Sabaq Amli Tor per Gairo ne padhaya hai Agar Apne Pyaare Aaqa Sallallahu Alaihivasallam ki Hidayaat per chalne Ka iraada karte to kabhi fizool kharchi ki taraf zahan bhi na Jata,*

*┱ _Fir Ajeeb Baat ye hai k Shara’i Parda to Aurte’n chhodti ja rahi hai’n Aur Jo Parda Na Mahram se bachane ke liye tha Wo daro Diwaar ki Sajawat ke liye makhsoos Kar diya aur khud Parko , Marketo mai Be hijaab Ghoomti firti hai’n, Zara sa Naqaab Chehre per daalne ko Taiyaar nahi aur bila zarurat Diwaaro per qeemti Parde saje hue hai’n ,*

•═══▦☆☆▦═══•
*Ref- TOHFA E KHAWATEEN_,* ┏─═┄┅┄┅┄┅┄┅┄┅┄┅┄┅┄┅┄┅┄✪
https://bit.ly/IslamicMsgOfficial
☆