𝐈𝐬𝐥𝐚𝐦𝐢𝐜 𝐌𝐬𝐠 𝐎𝐟𝐟𝐢𝐜𝐢𝐚𝐥's Post

READYMADE KI DUKAN PAR JANDAR KE PUTLE (statue) KI SHAKLEN AUR US KA HUKM

Aaj ka sawal no.2291

Aaj kal taiyyar kapdon aur saadiyo ki dukan me jaandar ke putle rakhe jate hai uske baare me 7 qisam ki logon ki raay aur soch hai. konsi sahih aur konsi galat hai yeh bataane ki guzarish.

1.Aaj kal jaandar putle lagaaye bagair dhandha nahin hota isliye rozee ki majbooree me jaiz.

2.Putle (statue) ki aankh par patti bandh dee jaye to jaiz.

3.Aankh aur puri naak ko kisi tarah bhi kaat diya ya mita diya jaye to jaiz

4.Aisi cheez door karna zaruri hai jiske na hone se insan zinda na rahe ya jaandar ki shakal hi mit jaye

5.Dono aankh sapaat (plain) ho to jaiz.

*6.Munh par ghunghat daal diya jaye ya pura chehra hi cover se dhank diya jaye to gunjaish ho jayegi.*

7.Putle (statue) ko is zamaane ke ba'az ulamaa jaiz kehte hai kafiron ke mulk me usper amal karna dusron se competition (muqabala) karne ke liye jaiz.

Aaj ka jawab

حامدا و مصلیا و مسلما

Sirf No. 4. ki raay sahih hai ya'ani aese uzv (part) ko nikal diya jaye jis ke bagair insan zinda na rahe ya jandar ki shakal baqi na rahe

Jaise ke sar (head) kaat diya jaye ya poora chehra aankh,naak aur munh mita diya jaye.

sirf aankhon par patti bandh den kafi nahin hai patti bandhne se bhi insan zinda rehta hai.

aankh aur pura naak ko mita dena bhi kaafi nahi. kyun ke aankh aur naak kaat dene ya mita dene se insan ki shakal kuchh darje me baaqi rahti hai Dono aankhe sapaat plain karna bhi kaafi nahin hai, aankhe bilkul na hone se bhi jandar kee taarif (definition) se nahin nikalta.

*Aurat ka putla ho to ghughat pehnana bhi kafi nahi kya dulhan ghunghat nahi pahanti! Ghughat daal dene se Bejan samjhi jati hai? isee tarah chehre par cover pehnana bhi kafi nahi kya fansi dee jati hai ya polis chehra dhank deti hai to woh log Bejan samjhe jate hai*
*Jawab yahi milega ke Bejan nahi samjhe jate hai lihaza no.6 ki soch bhi galat hai*

jaandar ka putla haraam hona aisa masla hai jis par arab aur ajam(gair arab) aur dewbandi barelvi sab ulamaa ke ittifaq hai kisi ka ikhtilaf nahin.

rozee ka malik Allah hai aur woh taqdeer me likhi huyi hai usse ziyadah mil nahin sakti masail Qur'an hadis se nikale jate hai is ko sab mante hain lihaza ispar amal karna puree dunya me zaruri hai. chahe islami hukumat na ho.

Hadis me aata hai ke jis ghar me tasweer (jaandar) ya kutta ho wahaan rahmat ke farishte dakhil nahin hote. (Bukhari sharif)

Jab rahmat ke farishte nahin aayenge to shaytani asaraat aate hain aur aisi dukan par jadu aasani ho jata hai. rozi ki barakat jaati rehti hai.

Lihaza un putlon ka ilaaj yahi hai ke unka sar (head) kaat diya jaye ya unka pura chehra aankh naak aur munh mita diya jaye. haan aise putle kharide jiska sar hee na ho ya naak tak ka sar hi na ho.
.
( jawahirul fiqah 3/170,227..Se makhooz pure risale me iski bahas hai)
tahtawee babu makruhatis salat
imdadul fatawa 4/ 252 Se makhooz)

koi Aeatarazo ishkal ho to contact Karen. *jin logon ne apni dukan par aese haraam putle laga rakhe hai woh tahreeri jawaz ka fatwa ya jaiz kehnewale mufti ka naam un ke mo.no.ke sath ahqar ke no.par bheje.*

Imran Ismail Memon +9196873 41413

Mufti Imran Ismail Memon.

Ustaze Darul Uloom Rampura, Surat, Gujarat, India.

AAP KE CONTECT ME AESI DUKANWALE JITNE BHI UN KO YE MSJ BHEJNE KI KHAS DARKHAST

https://bit.ly/IslamicMsgOfficial