𝐈𝐬𝐥𝐚𝐦𝐢𝐜 𝐌𝐬𝐠 𝐎𝐟𝐟𝐢𝐜𝐢𝐚𝐥's Post

AAJ KA SAWAL NO.1563

A. Hamare muaashare me ladka shadi ki umar ko pahonch jata hai aur us ki ek bahan bhi shadi ki umr ko pahonchi hui hoti hai ladke ko us ke munasib ladki se mangani ho chuki hoti hai aur bahan ka rishta baqi hota hai to ladke ke nikah me is wajha se der ki jati hai ke abhi bahan ka nikah nahi huwa hai pehle bahan ka nikah hona chahiye fir bhai ka, qareeb umr ki bahan hote huwe bhai ka nikah pehle karane ko aeb samjha jata hai kya shareeat me is ki koi haqeeqat hai?
B.
Ek martaba bahan ka achchha rishta aaya bhi tha to yun kehkar mana kar diya ke bahan ko ladka pasand nahi aaya to achchhe rishte maal ya surat ki bunyad par thukrana kaisa hai?


JAWAB

حامدا و مصلیا و مسلما
Hazrat ali Radeeyallahu anhu se riwayat hai ke nabi SALALAHU ALAYHI WASALLAM ne farmaya, "ae ali. Cheez me der na ki jaye 1.namaz jab us ka waqt ho jaye, 2.Janaza jab aa jaye, 3.Be nikah shakhs (mard ho ya aorat) jab us ka jora mil jaye"

Ladke ki mali haisiyat itni hai ke mahar ada kar ke aorat ka nano nafqah-zaroori kharcha bardash kar sakta hai aur nikah na karne ki surat me zina me mubtala hone ka yaqeen hai to aesi surat me nikah karna wajib aur zaroori hai.
pehle bahan fir bhai aesi tarteeb shareeat se sabit nahi joda mil gaya fir bhi nikah tarteeb ke bahane nahi kiya aur aajkal ki be pardagi aur be hayai ke mahol me ladka zina me mubtaa huwa to maa bap bhi gunehgar honge.

B. Huzoor SALALAHU ALAYHI WASALLAM ne farmaya, "jab kisi aese shakhski taraf se paigam aa jaye jis ke akhlaq aur deen se tum mutmain to foran shadi kar do warna zameen ke andar azeem fitna wa fasad barpa hoga"(jo aajkal zina, irtidad aur ladka ya ladki ke bhag jane ki surat me hamare samne aa raha hai)

TIRMIZI 1\148

Is hadees me achchhe rishte ka meyar maal, khandan ya khubsoorati ko nahi banaya gaya balke sirf deendari, achche akhlaq ho to nikah ka paigam thukrana bahut bura aur fitno aur gunahon ka sabab qarar diya hai.

و الله اعلم بالصواب

*ISLAMI TAREEKH* : RABEEUL AWWAL 1440 HIJRI

Mufti Imran Ismail Memon Hanafi Chishti.
Ustaze Darul Uloom Rampura, Surat, Gujarat,

𝐃𝐨𝐰𝐧𝐥𝐨𝐚𝐝 𝐀𝐩𝐩
https://bit.ly/IslamicMsgOfficial

𝐉𝐨𝐢𝐧 𝐈𝐬𝐥𝐚𝐦𝐢𝐜 𝐓𝐞𝐥𝐞𝐠𝐫𝐚𝐦 𝐂𝐡𝐚𝐧𝐧𝐞𝐥
https://T.me/IslamicMsgofficial