𝐈𝐬𝐥𝐚𝐦𝐢𝐜 𝐌𝐬𝐠 𝐎𝐟𝐟𝐢𝐜𝐢𝐚𝐥's Post

☆
▤━─━─━▓━﷽━▓━─━─━▤
*⊙ TOHFA E KHAWATEEN ⊙*
┗───┯ ✿ *posт ղo☞271*
•═══▦☆☆▦═══•
*_ T A L A A Q _*
⊙———⊙———⊙———⊙———⊙
*┱✿_ Beva Ho Jaye to Doosra Nikaah Kar le , isko Ayb Samajhna Jahalat hai_,*

*┱ _ Doosre Mazhabo mai ye ayb ya bura samjha Jata Hai k Shohar ki Maut ke baad Aurat kisi doosre Mard se Shaadi Kare, Har Waqt Ka jalaapa aur Saas Nando ke taane usko ba izzat Zindagi guzarne nahi dete they ,*

*┱_ Mazhabi qanoon aur Qaumi rivaajo ke mutabiq Bewa hi poori Zindagi guzaarna laazim Tha, Chahe Na-baalig Ladki Bewa ho Jaye aur Chu'nki Shohar ki Arthi ke Saath chalna Mazhabi Masla Tha aur Sab Nafrat aur hiqarat Ka bartaav karte they, isliye Chahe na chahe Shohar ki Arthi ki chita me kood padti thi aur zinda jal Jana Nafrat ki Zindagi se behtar samajhti thi,*

*┱_ Lekin islam ne na Sirf ijazat di balki targeeb di aur mustahab v mustahsan balki Bahut se Halaat mai Waajib qaraar diya k iddat guzarne ke Baad Aurat doosre Mard se Nikaah Kar le, Wo Mar Jaye to teesra Shohar Kar le, Wo bhi Mar Jaye to chothe Mard ki joziyat mai aa Jaye, Huzoor Aqdas Sallallahu Alaihivasallam ne is per Amal Kar ke dikhaya, Aap Sallallahu Alaihivasallam ki aksar Biviya’n Bewa thi'n Jinke pehle Shohar faut ho chuke they, Unme Baaz wo thi Jo Aap Sallallahu Alaihivasallam se pehle Do Shoharo ke Nikaah mai Reh chuki thi'n,*

*┱_ Aaj Kal bhi Bahut si qaumo mai ( Hala'nki inme kuchh Musalman bhi kehlati hai’n) Bewa ki Doosri Shaadi ko ayb ya bura samjha Jata Hai aur Jo Bewa ho jaye Zindgi bhar yu’n hi bager Shohar bethi rehti hai’n, Khuda ki panaah Allah ke Rasool Sallallahu Alaihivasallam ne Jo Kaam Kiya ho use ayb samjhna Bahut badi Jahalat Hai, isse imaan salb ho jane Ka khatra Hai, Jin logo ke ese khayalaat hai’n wo tauba Kare, Islam ne Aurat ko bada martaba dilaya aur usko aizaaz v ikraam se nawaza Hai, Pasti se nikaal Kar usko bulandi ata ki Hai Lekin Afsos Hai k Aurte’n ab bhi islam ke ahkaam (Jo Rehmat Hai ) ko Chhod kar Jahiliyat ki taraf daud rahi hai’n ,*
•═══▦☆☆▦═══•
*Ref- TOHFA E KHAWATEEN_,* ┏─═┄┅┄┅┄┅┄┅┄┅┄┅┄┅┄┅┄┅┄✪
https://bit.ly/IslamicMsgOfficial
☆