𝐈𝐬𝐥𝐚𝐦𝐢𝐜 𝐌𝐬𝐠 𝐎𝐟𝐟𝐢𝐜𝐢𝐚𝐥's Post

╭ *﷽* ╮

*▓ Q U R B A N I ▓*
*PART— 12*
▦══─────────────══▦
*☞ Qurbani ka Gosht ◈*

*★_ Qurbani ka Gosht agar ka'i aadmiyo’n ke darmiyan mushtarik ho to usko atkal se taqseem karna jaa’iz nahi balki khoob ahatyaat se tol kar barabar hisse karna durust he, Haa'n ! Agar kisi ke hisse me sar aur Paa'nv laga diye jaye to uske wazan ke hisse me kami jaa’iz he,*

*★_ Qurbani ka Gosht khud khaye, dost ahbaab me taqseem kare, gareeb masakeen ko de aur behtar ye he k iske 3 hisse kiye jaye, ek apne liye, ek dost ahbaab, azeezo aqarib ko hadiya dene ke liye aur ek zaroorat mand nadaaro’n me taqseem karne ke liye,*
*⇨ agar kisi ne tihaa'i hisse se bhi kam khairat kiya, baki sab kha liya, azeezo aqarib ko de diya tab bhi gunah nahi,*

*★_ Qurbani ki khaal apne istemal ke liye rakh sakte hai’n, kisi ko hadiya kar sakte hai’n, lekin agar usko farokht kar diya to uski raqam ko khud istemal na kare balki kisi gareeb per sadqa kar dena wajib he,*

*★_ Qurbani ki khaal ki raqam masjid ki marammat me ya kisi aur nek kaam me lagana jaa’iz nahi, balki kisi gareeb ko uska maalik banana zaroori he,*

*★_ Qurbani ki khaal ya uski raqam kisi esi Jama’at ya anjuman ko dena durust nahi jiske bare me ye andesha ho k mustahqeen ko nahi denge balki khud ke programo me kharch karenge,*

*★_ Qurbani ki khaal ya uski raqam kisi ese idaare, madarse ko dena durust he Jo waqa’i mustahqeen me taqseem karte hai’n,*

*★_ Qurbani ke jaanwar ki jhol, rassi bhi sadqa kar dena chahiye,*

*★_ Qurbani ka Gosht qasaab ko ujrat me dena jaa’iz nahi, isi tarah qurbani ki khaal ki raqam ko Imaam ya Mo’azzin ki ujrat me dena bhi durust nahi,*

* Aapke masail aur unka Hal,,JILD-4, safa no 169,* ○═┅═┅═┅═┅═┅═┅═┅═○
https://bit.ly/IslamicMsgOfficial
┣━━━━━━━━━━━━━━━━━━━━┫
❂❂❂