*SAAS (Mother in Law) KI KHIDMAT KA HUKM*
*AAJ KA SAWAL NO.2953*
1. Saas ki Khidmat karna Bahu ke Zimme Zaruri Hai..?
2. Agar Saas ki Khidmat Shar'an Zaruri Nahin, Lekin Shohar Maaldar Naa Ho, Ke Khadim Rakhe Aur Khud Karobar mein Mashgul Rehta ho, To Biwi ko Kya Karna Chahiye..?
* JAWAB *
1. Baaz Aadmi Isko Badi Sa'adatmandi Samjhte Hain, Ke Biwi ko Apni Maa ka Mahkoom Wa Magloob (Noukrani-Khadimah) Bana kar Rakhen, Aur Uski Badaulat Biwiyon Par Bade-Bade Zulm Hote Hain, Soch Samajh Lena Chahiye, Ke Biwi Par Farz aur Zaruri Nahi, Ke Saas ki Khidmat Kiya Karen. Tum (Shohar, Beta) Sa'adat Mand Hokar Khud Khidmat Karo Yaa Khidmat ke Liye Naukar Laawo.
Islahe inqilabe ummat safa 188 jild 2
2. Mazkoorah Soorat me Bhi, Naa to Shaohar Biwi ko Khidmat par Majboor Kar Sakta Hai, Naa to Saas Zabardasti Khidmat Le sakti hai, Lekin Jab Mauqah Aisa Ho to Shari'at Akhlaq ki Bhi Taleem Deti Hai.
Shohar Maaldaar ho aur Khadim Rakh bhi Sakta ho, Phir Bhi Biwi Bina Kahe Khidmat Karegi, To Shohar Saas Aur Tamaam Gharwalon ke Dilon me Uski Muhabbat, Qadar Aur Martaba Badhega Aur Sab ke Dil Aapas me Judenge, Aur Biwi Allah Taala ke Qurb Aur Ajr o Sawab ki Mustahiq Hogi, Khususan Saas-Sasur Mohtaj hon to Khidmat Karna Behtar Hai. Ek Din Ye Miya-Biwi Bhi Saas Aur Sasur Banenge, Ye Khidmat Karenge to, Inki Aane Waali Aulad, Bahu Bhi Khidmat Karegi,
Khulasa ye hai, Is Baare me Naa to Saas Khidmat ko Apna Haq Samjhe, Naa to Bahu Fatwe ko Lekar Apne Akhlaqi Fareezah Se Gaflat Aur Be'Rukhi Barte, Balke Saas, Bahu ki Khidmat ko Bahu ka Aehsaan Samjhe, Us Khidmat me Kuch Kotahi Yaa Kami Hoto Gussa Karne Aur Baras ne ke Bajaaye,
Dar-Guzar Aur Chashm Poshi (Let go) Se Kaam Len Aur Uski Khidmat par Taareef karen, Duaayen Den Aur Uska Hadiye ki Soorat me kuch Badla bhi Den Aur Saas, Bahu ko Apni Beti Aur Bahu, Saas ko Apni Maa Samjhe Aur Khidmat ke Mauqe ko Ganimat Samjhe Aur Unki Duaa Len, Aur Us par kuchh naa rawa sulook ho to sabr se kaam Len aur Us par Allah Taala ki khushnudi, *ajro sawab* aur Apne Darje ke Buland Hone ki Allah Taala se Ummeed Rakhen.
MISAALEE DULHAN SAFA 307 se 311 KA KHULASAH
MUFTI IMRAN ISMAAIL MEMON
USTAZE DAARUL ULOOM RAAMPURA SURAT GUJARAT INDIA
Monday, August 29, 2022
Subscribe to:
Post Comments (Atom)
